Қирғизистон Жўғўрқу Кенеш депутати Шарапаткан Мажитова жамоат жойларида юзни тўлиқ қоплайдиган бош кийим кийишни тақиқлашни таклиф қилмоқда.
Унинг таъкидлашича, Ўзбекистонда жамоат жойларида юзни беркитувчи ёки шахсни таниб олишни қийинлаштирадиган кийим кийишни тақиқловчи қонун қабул қилинган.
“Бизга ҳам бу қонун керак. Кўпчилик бурқа кийишни бошлади. Рўмол ўрашсин, лекин юзингни ёпма. Бу жуда хавфли”, деди у.
Эслатиб ўтамиз, куни-кеча Ўзбекистон парламенти палатанинг ялпи мажлисида Маъмурий ва Жиноят кодексларига ўзгартиш ва қўшимчаларни қабул қилган. Депутатлар жамоат жойларида юзни яширадиган кийим кийишни тақиқлашни қонунийлаштирган. Қонун лойиҳасида икки ёки ундан ортиқ хотин билан бирга яшашга ёрдам берганлик учун маъмурий жавобгарлик ҳам назарда тутилган.
